Wald ob Bergün

by Piz Primitiv

	/

lyrics

WALD OB BERGÜN

I laufa durch da dunkli Wald, allai zu spoter Stund.
As isch zwar kalt doch i han warm, schiinbar ohni Grund.
Miar isch nit wohl, bin ganz allai, do sägi miar: was sölls
I möcht so gern zur Mama hai, do brüllt was im Gehölz.

CHORUS:
As lauft mer kalt dr Rucka ab, as schüttlart mi und isch voll krass
I ligg aflach am Boda ab und mach mer mini Hosa nass.
Das muass as gföhrlichs Wesa si, hungrig, giirig, aggressiv
As schnaubt und schrait und stinkt wia Schwii
I stell mi tot heb d'Ohra stif.

I richt mi uf und wog an Blick, dr Mond schiint uf das Ding.
Vier Auga hets, sisch zimi dick, an wilda Sonderling.
Gliider hets glaub öppa nün und zuckt, als hets an Krampf.
In däm Wald do ob Bergün tobt an wilda Kampf!

CHORUS:
As lauft mer kalt dr Rucka ab, as schüttlart mi und isch voll krass
I ligg aflach am Boda ab und mach mer mini Hosa nass.
Das muass as gföhrlichs Wesa si, hungrig, giirig, aggressiv
As schnaubt und schrait und stinkt wia Schwii
I stell mi tot heb d'Ohra stif.

Uf zmol isch das Gschrai verbi, dr Wald wird wider still.
Hailand Zack, was isch das gsi? Dä Wald macht was er will.
Dänn gsehn i döt zwai blutti Lüt, umschlunga in dr Nacht;
kai Monster, Tüfal, Grisly, nüt, dia hend nur Liabi gmacht.
kai Monster, Tüfal, Grisly, nüt, dia hend nur Liabi gmacht.